Nik balizea badaukat, erosi neban, bai, baina niretzat dirua atarateko asmatu daben gauza bat da. Ganera, ez da askorik ikusten; autoaren larrialdi-argiekin, adibidez, askoz gehiago nabarmentzen da. Eta, egia esan, nire ustez triangelua eraginkorragoa da.
Tresna erabilgarria izan ahal da, ideiari jagokonez ondo dago, baina ez jat bape gustau zelan kudeatu dan; dirua atarateko helburuagaz ibili direla emoten dau. Alde positiboa, bada, autotik urten beharrik ez izatea, nahiz eta balizearen ikusgarritasuna ez dan onena. Nire ustez, gauzak azkarregi egin dabez.
Nahiz eta segurtasuna hobetzeko dala saldu, okerrerantz goaz. Bere erabilgarritasuna behar dan moduan aztertu barik, erabilera inponidu deuskue. Nik ez deutsat erabilgarritasun handirik ikusten. Ganera, nire ustez, batzuk onura ekonomikoa ateraten dabilz honen kontura, eta ez jat bape egokia iruditzen edonork gure kokapena ikusi ahal izatea behin biztuta dagoanean.
Gure errepideetan urtero istripu asko egoten dira, eta baliza honegaz kotxe bakotxak istripu horrek murriztea lortzen badogu, niretzako baliagarria izango litxake. Jente asko balizen kontra agertu da, 40 euroko kostua daukalako, baina nik aldeko eritxia daukat. Nik neure kotxean badaukat, eta uste dot denporak erakutsiko dauala erabaki egokia izan dan ala ez, ez dot uste kaltegarria danik.
Nik ez daukat balizarik, nire ustez ez da oso neurri ona baliza bategaz bakarrik konpontzea. Adibidez, orain arte, triangelua 30 metrora jarten zan, eta horrek erreakzionetako denporea emoten eutsun. Orain, barriz, balizea kotxearen gainean ipinten da, eta istripua izan dauan kotxea ikusi arte ez dozu arriskua ikusten.
Konplementu moduan ondo egongo litxake, triangeluagaz batera erabilita; baina baliza bakarrik erabiltea ez dot egoki ikusten.
Gai honi buruz ez daukat ezagutza handirik, baina nire inguruan kexa asko entzun dodaz. Askok esaten dabe ez dala ondo ikusten, eta nire ustez be atzerapauso bat izan da; triangelua askoz eraginkorragoa iruditzen jat.
