Foruko Udala herriko argiteria publikoa barritzeko lanetan hasi da dagoeneko. Herria argiago, seguruago eta jasangarriago egiteko asmoz, inbertsio garrantzitsua egingo da herriko hainbat txokotan. Trantsizio energetikoaren bidean, herriko argi zaharrak kendu eta LED teknologia duten argi berriak jarriko dabez hemendik aurrera.
Lan honeek herriko gune estrategikoetan egingo dira, herritarren bizi-kalitatea eta segurtasuna hobetzeko asmoz. Hobekuntzak emongo diren lekuak honako hauek dira: Atxeta, Askatasun Bidea, Dantzarien Plaza, Kultur Etxea eta Futbol zelaia. Lanen helburu nagusia argitasuna hobetzeaz gain, gastu energetikoa eta CO2 isurketak nabarmen murriztea da.
