Gautegiz Arteagak bere I. Berdintasun Plana marraztuko dau herritarren ekarpenakaz

Gautegiz Arteagako Udalak beste pauso bat emon nahi dau herri bardinzaleago eta bidezkoago bat eraikitzeko bidean. Horretarako, udalerriko Emakumeen eta Gizonen Berdintasunerako I. Plana abiatu dau, eta prozesu honetan herritar guztien iritzia eta proposamenak ezinbestekoak direla nabarmendu dau.

Herriko berdintasun-egoera zehatz-mehatz ezagutu eta etorkizuneko lehentasunak era komunitarioan zehazteko helburuagaz, udal erakundeak galdetegi labur eta anonimo bat jarri dau martxan. Parte-hartzea errazteko, galdetegia bide digitaletik bete ahalko da, baina baita aurrez aurre ere, paper bidez, horretarako Udaletxean zein Kultur Etxean eskuragarri egongo da.

Horrez gain, galdetegiaz gainera, aurrez aurreko hausnarketa sakontzeko aukera ere egongo da. Datorren urriaren 15ean, arratsaldeko 18:00etan, talde-saio irekia egingo da Udaletxean. Batzar honetan herritarrek euren bizipenak, kezkak eta proposamenak partekatu ahal izango dituzte.

Udalak herritar guztiak animatu gura dauz parte hartzera, Gautegiz Arteaga berdinzaleago bat guztion artean eraikitzeko.

Nola parte hartu galdetegian?

  • Sarean: Formularioa betetzeko sartu hemen.

  • Aurrez aurre: Eskuratu zure orria Udaletxean edo Kultur Etxean.

  • Saio irekia: Urriaren 15ean, 18:00etan, Gautegiz Arteagako Udaletxean.

PUBLIZITATEA
Eguren
Azkenak