Gautegiz Arteagako txokorik ederrenak, paisaiak eta bizitzaz betetako uneak harrapatzeko aukera daukie herritarrek. Aurkeztutako irudi onenekin Gautegiz Arteagako Udalaren 2027ko egutegia osatuko da, eta gainera, parte-hartzaile guztientzako topagune eta luntxa egongo dira sari banaketa egunean.
Gautegiz Arteagak bere aldirik ederrena erakutsi nahi dau datorren urteko egutegian, eta horretarako, herritarren begirada eta sakelako zein kameren klikak behar dauz. Udalak zabaldu dau dagoeneko “Gautegiz Arteagako 2027ko Egutegia” argazki lehiaketa, eta aurten hautatutako gaia oso hurbilekoa da: “Gure herria”.
Nola hartu parte eta zeintzuk dira epeak?
Argazkilari bakoitzak gehienez 3 argazki bidali ahalko dauz. Aukerak anitzak dira irudiak helarazteko, dela modu digitalean zein paperean:
-
Posta elektronikoz: Argazkiak
udala@gautegizarteaga.eusedokulturetxea@gautegizarteaga.eushelbideetara bidali daitezke. -
Aurrez aurre edo postaz: Udaletxean zein Kultur Etxean utzi daitezke zuzenean (Herriko Enparantza, 1).
Gogoan euki data nagusia: azaroaren 23ko 12:00ak baino lehen entregatu behar dira irudi guztiak. Ezingo dira aurkeztu aurretik ezein aldizkari, egunkari edo liburutik argitaratutako lanak.
12 irudi finalista eta jai giroko amaiera
Publizitate agentzia batek osatutako epaimahaiak 12 argazki finalista aukeratuko dauz, bakarra egutegiko hilabete bakoitzeko. Sarituek lehiaketagaz zerikusia dauen oparia jasoko dabe, eta euren lanak herritar guztien etxeetan egongo dira ikusgai urte osoan zehar.
Baina lehiaketa ez da hor amaituko. Gautegiz Arteagako Udalak luntx berezi bat antolatuko dau parte-hartzaile guztientzat abenduaren 20an. Egun horretan bertan egingo da sari banaketa eta jasotako irudi guztien erakusketa ere.
Informazio gehiago edo oinarri osoak kontsultatzeko, Gautegiz Arteagako Udalera jo daiteke
