Lehenengo fasea osatu ondoren, Gernika-Lumoko hiri-ardatz printzipaletako bat barriztatzen eta irisgarritasuna hobetzen jarraitzen dabe lanek. Udalaren aurreikuspena da etapa barri hau urte amaiera baino lehenago amaituta egotea, udalerriko kartera garrantzitsuenetako baten eraldaketari jarraipena emonez.
Lan honek 507.881,73 euroko aurrekontua dauka eta Gurutze Gorriaren eraikinaren eta Barandiarán establezimenduaren arteko zatiari eragiten dio (235,39 metroko luzera guztira). Proiektuaren helburu nagusia azpiegiturak modernizatzea, oinezkoen segurtasuna indartzea eta ibilgailuen zein pertsonen arteko bizikidetza orekatuagoa lortzea da.
Jardunbide honen barruan, saneamendu eta hornidura sareak erabat barriztuko dira, eta lurzorua zein oinezkoentzako gunea hobetuko dira. Horrela, lurpeko azpiegitura zaharrak eguneratu eta ingurune irisgarriago eta seguruago baterantz pauso garrantzitsua emango da.
Hiri berriztapenaren jarraipena
Juan Calzadako erreforma honek jarraipena emango dautso lehenago Pasealekuaren eta Gurutze Gorriaren eraikinaren artean egindako hobekuntzari, kaleko hiri-ardatz osoaren eraldaketa mailakatuari amaiera emateko asmoz.
Obra honekaz, Udalak espazio publikoa hobetzeko, oinezkoen irisgarritasuna bultzatzeko eta udal azpiegitura guztiz modernizatzeko konpromiso sendoari eusten dautso
