Atzo, uztailak 26 Bermeoko Santa Maria parrokia San Joakin eta Santa Ana eguneko zein Aitita-amamen eta Adinekoen Munduko VI. Jardunaldiko topagune bihurtu zen. Eguerdiko 12:00etan hasitako meza berezian, herriko nagusiei atxikimendua eta esker ona adierazteko aldarria egin zen.
Aurtengo ekimenak «Nik ez zaitut ahaztuko» izenburua erabili dau goiburu nagusi legez. Aita Santuak mundu mailan egindako deialdiagaz bat eginez, bakardadea zein hauskortasuna bizi daben adinekoak bisitatu, lagundu eta eurentzat otoitz egiteko deia zabaldu eben Bermeon.
Komunitate osoak omenaldi xume eta hunkigarria egin gura izan eutsien belaunaldiz belaunaldi bidea zabaldu daben bermeotarrei.
