Dagoeneko Foruak eta Ibarrangeluk Bizipuntua daukie, eta Muxikan ere jarriko da bizikletak konpontzeko eta garbitzeko puntua.
Bizkaiko Foru Aldundiak bizikletaren erabilera sustatzeko azpiegitura-sarea sendotu dau bederatzi BiziPuntu berri jarriz, euren artean Busturialdeko herrietan; horri esker, 110 dira gaur egun lurraldean martxan dagozen geltokiak. Jarduketa honek aurrerapauso garrantzitsua dakar mugikortasun jasangarria bultzatzeko, bizikletaren eguneroko erabilera errazteko eta Bizkaiko hiri-espazioaren kalitatea hobetzeko estrategia foralean.
