Gautegiz Arteagaren Montorre Haurreskolaren hezkuntza-proiektua, etxean ikasteko, hazteko eta sentitzeko, tokiko balioetan, komunitatean eta ekitatean oinarritzen da, eta ingurune naturalarekiko integrazio estuan garatzen da. Interesa daukien familiek apirilaren 13tik maiatzaren 4ra bitartean eman ahal izango dabe izena.
“Udalak sendo babesten du gure herriko eskolaren proiektua. Montorreren alde egitea herria bizirik mantentzearen alde egitea da, biztanleria erakartzearen eta finkatzearen alde egitea, eta gure komunitatearentzat etorkizun iraunkorra eta orekatua bermatzearen alde egitea. Montorre Haurreskola ez da gure herriaren etorkizuna eraikitzeko oinarria bakarrik, familientzako erreferentziazko hezkuntza-gunea ere bada. Montorren, gurasoek gertutik jarrai dezakete seme-alaben hezkuntza-prozesua; irakasleek benetako konpromisoa erakusten dute, bai irakaskuntzarekin, bai udalerriko bizitzarekin; eta, guztien artean, gizarte-kohesioa, ingurunearekiko errotzea eta tokiko nortasuna sendotzen dabezan komunitatea sortzen da. Hori guztia, gainera, euskara bultzatuz ikaskuntzarako, harremanetarako eta bizikidetzarako hizkuntza gisa” azaldu dau Patrik Saituak, Gautegiz Arteagako alkateak.
Montorre Haurreskolak eskaintzen dauzen prestazinoen artean, personengan oinarritutako hezkuntza nabarmentzen da, 0-2 urte bitarteko txikiei zuzendua, 12 urtera arte Montorre Eskolan hezkuntza jarrai daikeelako.
Gainera, udalerri handietan aurkitzen zaila den balio bereizgarria eskaintzen dau: arreta pertsonalizatuagoa talde txikiei esker, hezkuntza gizatiarragoa eta hurbilagoa, eta familien eta irakasleen arteko harreman zuzena eta jarraitua. Eredu horrek haurren garapen integrala bultzatzen du, haien erritmoak errespetatuz eta gaitasunak indartuz. Era berean, ingurune naturala lehen mailako hezkuntza-baliabide bihurtzen da. Ikaskuntza aktiboa, naturarekiko errespetua eta bizi-ohitura osasungarriak sustatzen dauz txikitatik.
Bestalde, eskolak pozik hartu dauz Natxituko (Ea) Haizeder ikastetxeko ikasleak, ikastetxe berri bat eraikitzeko lanek irauten daben bitartean. 80 ikaslek baino gehiagok jarraituko dabe Montorre Eskolan datorren ikasturtean.
Prestakuntzaren ikuspegitik, Montorre Eskola haur eta lehen hezkuntza eskaintzen dauen eskola publikoa da. Ikastetxean, beste zerbitzu batzuen artean, jantokia eta “zaintza” zerbitzua dagoz, goizez 8:30etik 09:30era familiei beren lana bateratzen laguntzeko. Zerbitzu horreek Montorre Haurreskolan be eskaintzen dira.
Montorre Haurreskolak apirilaren 13an zabaldu dau 2026-2027 ikasturtean matrikulatzeko epea eta maiatzaren 4ra arte egongo da zabalik. Izena emateko, udaletxean, 94.625.29.53 telefonoan edo www.haurreskolak.eus webgunean.
