Gernika-Lumoko Turismo Bulegoak Enpresa Turístico Adimendunaren (ETI) ziurtagiri ospetsua lortu dau, UNE 178510 arauaren arabera. Aitorpen honek zerbitzu publikoa hobetzeko eta bisitarien esperientzia digitalizatzeko, jasangarri egiteko eta guztiontzat irisgarri bihurtzeko egindako lan handia egiaztatzen dau.
Ziurtagiri barri honekaz, udaletxearen zerbitzua SEGITTUR eta Espainiako Turismo Idazkaritzak bultzatutako kudeaketa adimentsuaren ereduan sartu da. Gainera, aurretik lortutako Turismoko Kalitatezko Q eta Kudeaketa Aurreratuko Brontzezko A bereizgarriei batzen jake.
Datuen bidezko kudeaketa eta irisgarritasuna
Gernikako Behatoki Turistikoa da sistema barri honen oinarrietako bat, bisitarien kopurua, jokabidea eta gastua aztertzeko aukerea emoten dauana. Horregaz batera, baliabide digitalak zein irisgarritasun unibertsala ziurtatzeko neurriak jarri dabez martxan: igogailuak, erraketadun eremuak, braillezko materialak, ikusmen-laguntzak eta bisita gidatu egokituak.
Horrez gain, ingurumenaren babesa eta euskerearen erabilerea bultzatzen jarraituko dau bulegoak, paperaren erabilera gitxituz eta Urdaibaiko Biosfera Erreserbagaz bat eginez.
