Gernikako Azken Astelehena dala eta, jaia segurtasunez gozatzeko aukera paregabea dago aurten ere. Astelehentxutxu egunean, urriaren 25ean, gaueko zerbitzu berezia egongo da autobus bidez herriko jaietatik inguruko udalerrietara erraz bueltatzeko.
Irteera goizaldeko 02:00etan izango da Gernikako geltokitik. Antolatzaileek gogoratu dabe ordua ez dela aldatuko gauean, beraz, adi ibili beharko da despisterik ez izateko. Lineak ibilbide hau egingo du: Gernikatik atera eta Kortezubi, Gautegiz Arteaga, Ereño eta Nabarnizera heltzeraino.
Etxera eroso eta lasai bueltatu nahi dutenek aldez aurretik eros dezakete tiketa. Txartelak 5 euroko salneurria dauka eta ostiralera arte egongo da eskuragarri herriko Kultur Etxean.
