Mendialdua eremuko oinezko zein ibilgailuen bideak egokitu eta irisgarritasuna hobetzeko lan garrantzitsuak hasiko dira Gautegiz Arteagan datorren urriaren 6an, martitzenean. Udalak herritarrei jakinarazi dautsienez, obrek irauten daben bitartean ezohiko neurriak hartu beharko dira inguruko zirkulazioan.
Lanak egoki burutzeko, errepide mozketak eta trafiko aldaketak egongo dira eremu horretan. Patrik Saitua Betanzos alkateak herritarren ulermena eta lankidetza eskatu dau obrek sor ditzaketen eragozpenen aurrean, helburua herriko azpiegiturak guztiontzat irisgarriago eta seguruago egitea baita.
Lanak urriaren 6tik aurrera egongo dira martxan, eta eragindako eremuan seinalizazio bereziak jarriko dira trafikoa bideratzeko.
