Mundakako kirol eta gizarte giroak hitzordu berezia izango dau uda amaiera honetan. Musutruk Mundakak antolatuta, datorren abuztuaren 30ean (domeka), Euskal Futbol Eguna ospatuko da Santa Katalinako inguru paregabean.
Goizeko 11:00etatik aurrera, futbol partiduak eta giro ederra izango dira nagusi herriko eraikin eta paisaiarik ezagunenetako baten ondoan. Antolatzaileek dei egin dautse herritar zein bisitari guztiei parte hartu dezaten eta, bide batez, euskal futbol taldeen kamisetekin hurbiltzeko jairik murgilduena bizitzeko.
Jai giroa eta kirola uztartuko dabezan egun honek gure futbol taldeen inguruko komunitatea sendotzea dauka helburu, kostaldeko paraje ikoniko batez gozatzen den bitartean.
