Ondarearen Europako Jardunaldien barruan, Muxikak iragana eta ohiturak gertutik ezagutzeko proposamen erakargarria prestatu dau aurten “Gure Eskuetan” lelopean. Datorren urriaren 24an, zapatuan, bisita gidatu teatralizatua egingo da udalerriko baserrietako labadero tradizionalak ezagutzeko.
Topaketa berezi honetan, herriko emakumeek antzeztuko dabe garai batean arropa nola garbitzen zen, garai bateko kontuak eta lanak berriz ere gure begien aurrera ekarriz.
Parte hartu nahi daben herritar eta bisitari guztientzat, urteera goizeko 11:00etan izango da Zubieta-Errotako plazatik (Kurtzero auzoa), eta bertatik autobusean ibilbidea egingo da Ibarruriko eta inguruetako labaderoetatik.
Izen-ematea
Plazak mugatuak direnez, ezinbestekoa da aurretik izena ematea Muxikako Udal Liburutegian. Horretarako, 645 006 663 telefono zenbakira deitu edo liburutegia@muxikakoudala.eus helbidera mezu bat idatzi daiteke.
