Gernika-Lumoko Errenteria auzoak barriro topatu dau bere historia eta nortasuna fatxada ikusgarri bati esker. Merced ikastetxeko eremutik argi eta garbi ikusten den horman 255 metro koadroko mural ikusgarria margotu dabe, hiribilduaren erdi aroko jatorria, ondarea, paisaia eta euskal kulturako ikur nagusiak ikusgarritasun osoz berreskuratuz.
Auzoko horma atsegin honek 15 metroko zabalera eta 17 metroko altuera dauka, eta erabat eraldatu dau inguruko paisaia urbanoa. Proiektua gaur bertan aurkeztu dau Jose Maria Gorroño alkateak, Arteskolako sortzaileegaz batera. Hauek arduratu dira Julen Munitis artista tokikoaren jatorrizko diseinua tamaina erraldoi honetara eramateaz, tokiko talentuari lekua eginez eta artea kalera ateratzeko apustu sendoa eginez.
Hiribilduaren jatorrian zehar bidaiatzeko lana
Muralaren konposizioak antzinako Gernika eta itsasadarraren ingurunea irudikatzen dau, herriko lehenengo hiri-nukleoak gogora ekartzen dituzten eraikuntzekin. Lanaren erdian, jantzita ohiko jantzi tradizionala daukaten emakumezko irudi bat eta gure lurraldearen ikur den arbola nagusitzen dira, ondare kulturala eta historia komuna elkartuz.
Interbentzio erraldoi honek Renteria auzoko fatxada huts bat eraldatu dau gure memoria kolektiboa zabaltzeko eta herritarrengana hurbiltzeko elementu bizi bihurtuz. Arte sorkuntza eta tokiko historia eskutik helduta datoz ekimen honetan, herriko kaleak bizibarritzeko eta ondarea gure eguneroko paisaian txertatzeko.
