Muxikako Udalak abian jarri dau 2026ko udako oporretan umeak kirolaz, sormenaz eta naturaz gozatzeko aukera emango dauen ekimena. Muxikako Udaleku barriak prest dagoz herriko zein inguruko gaztetxoentzat. Izena emoteko epea ekainaren 23ra arte egongo da zabalik, eta udalerrian erroldatuta dagozen umeek lehentasuna eukiko dabela jakinarazi dau Udalak.
Udalekuak ekainaren 29tik uztailaren 17ra bitartean garatuko dira, astelehenetik ostiralera, goizeko 09:30etik 13:30era. Hala ere, familiei laguntzeko eta kontziliazioa errazteko asmoz, Udalak autobusa eta zaintza zerbitzua berezia eskainiko dau, ordutegia 09:00etatik 14:00etara zabalduz. Kanpaina hau 4 urtetik 12 urtera bitarteko ume guztiei zuzenduta dago, eta ekintza gehienak Urretxindorra eskolan eta inguruko naturaguneetan egingo dira.
- Aurkeztutako programak hainbat jarduera barri eta dibertigarri batzen dituela ikusi daiteke irudietan:
- Abentura kirolak naturan: Umeek zuhaitz arteko zirkuituetan, tirolinetan eta soka-zubietan ibiltzeko aukera eukiko dabe euren oreka eta abilezia lantzeko.
- Uretako ekintzak: Udako beroari aurre egiteko, piragua eta kanoa irteerak egingo dira inguruko ur irekietan talde-lana sustatuz.
Eskulanak eta sormen tailerrak: Pintura eta birziklapen saioak egongo dira, non umeek euren sormena garatu ahal izango daben zurezko egiturak eta bestelako materialak margotuz.
Parte hartu nahi daukaten guztiek informazio osoa eskura daukie Muxikako Udalaren bitartekoen bidez, eta izen-ematea errazteko kartelak dakarren QR kodea erabili daiteke prozedura modu azkarrean egiteko.
