Gautegiz-Arteagako Udalak herriko bideak egokitzeko eta herritarren bizi-kalitatea handitzeko konpromisoari eutsi deutso. Ildo horretatik, irisgarritasuna hobetzeko helburuagaz, lan garrantzitsuak burutu dauz azkenaldian udalerriko Zelaialde eta Zelaieder inguruetan. Esku-hartze honen bidez, oinezkoen eta ibilgailuen joan-etorriak seguruagoak eta erosoagoak izatea lortu gura dau Udalak.
Zelaialde eta Zelaiederreko lanak amaituta egon arren, Udaletik jakinarazi dabe herria atseginagoa eta irisgarriagoa egiteko planak ez daukala etenik. Hain zuzen be, lanean jarraitzen dabela azpimarratu dabe, eta datozen hilabeteetan antzeko hobekuntzak eta konponketak egingo dabezela Gautegiz-Arteagako beste herri bide batzuetan be, auzo eta ingurune desberdinak modu egokian lotzeko.
