Gautegiz Arteagako Kultur Etxeak kultur ekimen polit eta parte-hartzaile bat hartuko dau datorren barikuan, maiatzak 22. Arratsaldeko 17:00etan hasiko dan “Artian kontu kontari” izeneko saioak adin guztietako herritarrak batu gura dauz, adinaren mugea 0tik 100 urtera bitartean ezarri dabe-eta, herri giroan istorioak partekatzeko gogorik daben guztiei ateak edonoz zabalduz.
Antolatzaileek herritar guztiak animatu gura dauz euren sormena eta berba jokoak plazaratzera. Halan, bertaratzen diranek mota guztietako sorkuntzak kontatzeko eta partekatzeko aukera zabala eukiko dabe: ipuinak, olerkiak, bertsoak, istorioak, asmakizunak, txisteak edota aho-korapiloak. Saioaren ardatz nagusia ipuin kontalaria izango dan arren, herritarren parte-hartze aktiboa bilatzen da, belaunaldien arteko transmisioa eta alkartzea bultzatzeko.
Arratsaldeko kultur eta jolas saio honi amaiera borobila emoteko, sorpresa gozo bat egongo da prest. Antolakuntzak jakinarazi dauenez, ekitaldia amaitzerakoan merendola jator bat egongo da parte-hartzaile guztientzat, indarrak berritzeko eta lagun artean berbetan jarraitzeko.
