Bermeoko Udalak abian ipini dau 2026ko Andra Mari eta Santa Eufemia jaiak iragarteko kartel lehiaketea. Jaien gaia hartuta, kartelek herriaren izaerea erakutsi beharko dabe: jai herrikoiak, parte-hartzaileak, sortzaileak, euskaldunak, feministak, solidarioak eta ekologistak.
Parte hartzeko baldintzak
Edozein pertsona fisikok hartu leike parte. Lanek baldintza honeek bete beharko dabez:
Neurria: 50 x 70 zm, formatu bertikalean.
Teknika: Nahi beste kolore eta teknika erabili leitekez.
Testua: Derrigorrez agertu behar da: “Bermeoko jaiak 2026” eta “Irailaren 7tik 16ra”.
Adimen Artifiziala: Erabili ezkero, egileak jakinarazo egin beharko dau aurkezterakoan.
Lanak aurkezteko modua
Lanak aurkezteko epea 2026ko ekainaren 26an, 14:00etan, amaituko da. Bi bide dagoz:
Online: Bermeoko Udalaren egoitza elektronikoan (https://egoitza.bermeokoudala.eus/), PDF formatuan (bereizmen handikoa).
Aurrez aurre: Berhazen (Ertzilla kalea 6-8), 08:00etatik 14:30era, euskarri gogorrean.
Bi kasuetan N-292 inprimakia bete behar da.
Balorazinoa eta Finalistak
Bestalde bederatzi kidez osatutako epaimahai orekatu batek baloratuko dau estetika, Bermeoren izaerea, balioak eta originaltasuna. Garrantzitsua: gizakiek egindako lanek lehentasuna edukiko dabe adimen artifizialagaz egindakoen aurretik.
Epaimahaiak finalistak aukeratuko ditu, eta gero herritarrek izango dabe azken berbea bozketa bidez.
Bozkatzeko epea uztailaren 1etik (08:00) uztailaren 10era (14:00) izango da. Herritarrek hemen emon leikie botoa:
Online: Esaizu plataforman (Udalaren webgunean).
Aurrez aurre: Gizarte eta Kultura etxean (Irakaskintza 14-16).
Balioa: Aurrez aurreko botoak %70 balio dau eta onlinekoak %30.
Sari bakarra egongo da, 600 eurokoa, eta irabazlearen izena uztailaren 13an jakingo dogu.
Informazino gehiago gura dauenak Gizarte eta Kultura Etxera jo leike (946 179 157 / kultura@bermeo.eus) edo oinarriak osorik ikusi www.bermeo.eus webgunean.
